Syeda Humera Aisha

Ye dunia boht hi rangeen hey khuda ney iss mey beshumar rang paida kiye .Sab sey pehley tou quos u qaza (rainbow) ke rang ye tou lagta hey rangon ki shuruate  Asman sey hi huee hey phir Paharh hun ya samundar ,darakht,pattaey,phool hu ya phal yahan tak ke janwar hu ya Insan sab ke apney mukhtalif rang hein.Lakin mey in rangon ki baat nahi kr rahi mey tou iss ye sab zahiri rang hein jo mousam aur mahul ke mutabiq hotey hein. Mey jis ki rang ko manti hun wo Muhabbat ka rang hey,iss ki Miraj Ishiq e haqeeqi ka mazhar hey.Nafs pe qabo pehli shart hey phir iss ko mar kr mushaqat jhelna aur koshish kerna kisi terhan wo rang apnaye jo uskey mehboob ka hey ,lakin yye asaan kaam nahi boht waqt leta hey kabhi jaldi bhi hu jata hey qismat ki baat hey bas uss aik waqt ka intezar hey,wo kis chez ka intezar hey wo hey Ana ka khatma bas jesey hi  Ana ki mout hoti hey khizan ka mousam mudat puri kr leta hey phir bahar hi bahar aur Rang mazeed khil jata hey uar charhney ke liye betab hu jata hey

Ye bara hee ajeeb topic hey lakin ye Qudrat sey shikwa nahi balkey ye tou Qudrat ki badhaee ka eitaraf he,hum apney aas pass boht se logon ko dekhtey hein hr koi kisi apney pyarey sey bichra hua hota hey koi iss dniya sey hi chala jata hey ya itni dour hota hey ke milney ka koi bahana bhi nahi ban pata,Wo pyarey hamarey itney qareeb hotey hein ke unki judaee mey  jeena tasawer kerna bhi namumkin lagta hey.  Magar wah ri Qudrat hum unkey bagher na sif jeena sekh letey hein balkey khuda humey iss gham sey barh kr gham jhelney ki taqat bhi deta hey, warna hr marney waley ke sath uskey pyarey bhi marjatey.Aur juda honey waley ke sath hamari Rooh bhi hum sey juda hojati. Ye jo jhelney ki taqat hey ye yaqeenan aik karishma hi hey warna hr insan chalti phirti laash hota aur hr ghar qabrustan.ya phir apney wajood ko aisey liye phirta jessey uss mey rooh hi na hu.

Insan apni zindagi mey boht sey tajarbat sey hokr guzar kr apney aap ko samjh pata hey.Aksar ussey dosron ki bhi samjh ati hey.kabhi kabhi mey sochti hun ke uss ki zindagi mey jitni bhi khushian ati hein wo khushian ussey kia dey kr jati hein,hum zyada ter yehi samjhtey hein ke khushian humey sakoon deti hein, itminan detein hein aur sab sey barh kr apney aap ko bharosa deti hein ke hum yaqenan kahein na khaein kuch acha kr rahey hein ke humey ye gift ke tou pr mili hein.jabke hum ye bhi jantey hein ye kam waqt ke liye hoti hein magar hum ye nahi jantey hami khushian kisi ko dukh bhi de saktein hein ,bas usi lamhey wohi khushian hum pr bojh ban jati hein aur hum bey sakoon kr deti hein,isi liye merey nazdeek Gham achey hotey hein ghamo sey kisi ko koi takleef nahi pohanchti aur nahi nazr lagti hey. sab sey bari baat ke woh  humey dhoka bhi nahi detey